*************************
*************************
الأم هي صاحبة القلب الحنون تشتري فرحة عيالها . ولو كان الثمن حياتها ما ينكر فضلها الا الجحود لكن أحيانا تحس الفتاة بالذات ، بشيء من النفور والبعد بينها وبين أمها وتفضّل بالتالي الانعزال عن أمها وتلجأ للصديقات وتقضي معهن أغلب وقتها
وأحيانا تصرّح البنت وتقول : "انا مااحب امي ، وأمي ما تحبني ، وكل اللي بيننا اننا نعيش تحت سقف واحد ، وتعودنا ما يمر اسبوع بدون مشكلة بيني وبين أمي " ..!
طيب ليه بدال الهروب للصديقات والانعزال ، ما نوقف شوي ونتأمل اسباب المشاكل اللي تصير بين البنت وأمها ونفكّر ب حلول تنهي هالمشاكل وبالتالي تحس البنت بقيمة امها ومكانتها الحقيقية المفقودة طول هالفتره .؟!
منها ان علاقتنا بامهاتنا .. تتعدّل . ونفهم امهاتنا أكثر وأمهاتنا بعد يفهموننا ، ومنها اننا بالمستقبل ب نفهم طريقة تفكير بناتنا وبالتالي ما تتكرر نفس المشاكل ..
نبدأ ب عرض أكثر الاسباب ل توتر علاقة البنت ب أمها ، وودي كل وحدة تتأملها شوي ..
- تكون الأم عاجزة عن التعبير عن حبّها لبنتها اما بالكلام او بالتصرفات ، ف تقول البنت ان امي ما تحبني.! بمجرد ما انها ما تسمع كلمات حب أو أن امها ما تحضنها مثلا ..
- خوف الام الشديد على بنتها يجعلها تمنع بنتها من كل شيء ، وهنا البنت تفهم ان المنع يعني كُره أو قسوة من أمها .
- أحينا تكون البنت ذات مزاج عصبي ، وتعجز الام عن فهمها ويمكن تقارنها ببقية اخواتها ، فتصير نزاعات كثيرة وبالتالي نفور البنت من امها .
- عمل الام ، اللي يسبب انشغال الام عن بنتها فترة طويلة ، وبالتالي تصير العلاقه بينهن علاقة رسمية وجافّة .
وطبعا اللي تطمع ب بر أمها راح توقف عند هالاسباب وتحاول ايجاد حلول .. على الاقل تقلل م
ن آثارها السلبية .
أولا لازم البنت تحط ببالها ان ما فيه أم تكره بنتها أو ما تحبها ، وكل أم لها طريقتها بالتعبير عن حبها وانتِ عليك انك تكتشفين طريقة أمك مب دائما التعبير يكون بالحضن أو بالكلام ، الاهتمام والتفكير والمحاتاة طُرق صعب نلاحظها ، وبالذات بوقت المرض أو التعب .. ثم ليه ما تبدين انتي بحضن أمك . أو تعودينها تحبين راسها قبل ما تطلعين للمدرسه / الجامعة ؟! وليه تنتظرين من أمك اللي بالغالب تكون مشغوله انها تبدأ بالكلام أو التعبير ؟ وانتي الفاضيه ما تبدين ؟
واذا كان فيك صفات "مثل العصبية" امك ما تحبها وما تتقبلها .. ليه ما توضحين لامك ان لكل انسان أطباع وشخصيات وان العصبية حتى انتي متضايقه منها وبتحاولين تخففين منها شوي شوي؟
وذا كانت الظروف والانشغال بالعمل او بالدراسه غصب يبعدك عن امك عوضيها بالاوقات اللي تفضين وتفضى بها واجلسي معها وامليها سوالف وعبري لها انك فقدتيها واشتقتي لها . حتى لو كانت فتره فراغك بسيطة راح يسعدها جلوسك معها .
**********************************
**********************************